Olav Nergård (1903-1991) frå Nord-Trøndelag var ein markant person både som menneske og som kristen. Han hadde hatt ei radikal omvending, og dette prega hans kristendomssyn. I diktverka hans finn vi dei sterke bibelske tonane om synd og nåde, lov og evangelium i luthersk-roseniansk utforming, og i ei klår, dikterisk form.

Nergård kunne leika med ord i djupt alvor. Han kunne til dømes impulsivt sitere eit vers som dette: "Jeg kaster 'min kristendom' bort og lever på det som er gjort. Da kan det vel neppe ga verre. Men da lever jeg med Vår Herre".

Mange gonger i dei siste åra han levde, fekk eg den glede åkome innom han og broren Johannes i Levanger. Samværa vart alltid avslutta med Guds ord og bøn - og gjerne med eit gamalt eller nytt dikt. Nergård overleverte alle sine dikt til meg. Han hadde det ynskje at nokre av dei kunne kome ut i ein samanheng der utgjevaren står på ein heil Bibel.

Eg er glad for at Stiftel sen "På Bibelens grunn~' vil gje ut dette heftet med songar, salmar og dikt av den store kristne personlegdomen, Olav Nergård. Eg vil takke alle som har hjelpt til med å få ut denne diktsamlinga, ikkje minst Magne Gudvangen, Kåre Altin, Terje Altin og Guttorm Raen, for det store arbeid dei har gjort med å sortere, reinskrive, skrive på data og typesette dikta, så dei kunne verta utgjevne.